八六年猛鬼传说

    八六年既新春,大关旅行社一个女领队带团去海南岛,果时既海南岛无咩夜生活,所以女领队响到左当地既当晚,(初一晚)买左好多花生啤酒,同班团友坐响空地树,倾下计谈下心,差唔多时间就返酒店休息,并讲定第朝几点响酒店集合当中有两个来自香港既单身男团友被编入一间房,或者过惯夜生活既佢地,太早训唔著,所以其中一个提议去附近一个叫小东海既海滩倾下计。
    到达后,一个响海滩玩沙执贝壳,一个落左水游水……过左阵,执贝壳果个男仔发觉另外个男仔游游下水唔见左,个男仔不以为意,以为男仔游游下水可能上返岸返左酒店,所以个男仔自己返酒店,无汇合果个游左水既男仔。
    第二日,果个游左水既男仔仍然无返酒店,领队问起,佢同房就话琴晚去过边度边度,於是领队同导游都推算呢个男仔可能离开左去探佢响海南岛既亲戚,商议后决定由个领队留守酒店等个男仔,导游同其他团友继续出去玩,
    可惜直至个导游玩完返黎,个男仔仲未出现,领队同导游最后决定报警,结果,响附近既小东海捞起条尸,领队同导游认尸后,证实系果个失踪既男仔.....尸捞起时,全身白肿,口同鼻孔都塞满沙,死状恐怖,由於新春期间医院唔开,所以条尸被逼运去佢地住既酒店,开到最大既冷气再用冰密封,市政府同时亦通知死者响香港既家人尽快黎认尸,可惜新年期间,办出入境手续好麻烦,结果佢既家人延误差唔多两个礼拜先赶到去,市政府解剖尸体后,未等佢家人过黎就烧左条尸,最后佢既家人获旅行社三万蚊既赔偿,佢家人亦将佢既骨灰带返香港,事情暂时好似告一段落……

    两个月后,果间旅行社再派团去海南岛,领队同样系果个女仔,同样入住同一间酒店。
    响第一晚,个女领队冲完凉后上床休息,熄灯后突然听到洗手间有花酒声传出,女领队可能因为太倦,所以无理会照训,第二朝起身,发觉自己唔系训紧自己间床而系房间外既走廊……
    第一反应当然吓亲,下意识以为有贼,於是立即检视自己财物有无唔见,结果一切安好,女领队心已经一怯,不过都当无事发生。
    同一日,当女领队带完团友出外再返酒店后,整团团友既行李发觉被离奇地掟出走廊。
    果一晚,女领队上床准备休息,当熄灯后,女领队清楚咁听到外有人敲打,夹杂一把声：「领队,带我返香港！」
    后来,大关旅行社包架机,载一班法师过去招魂同超渡,报纸都有卖,几大阵象下。后来件事平静过来,不过女领队返到香港不停发恶梦,有大师教佢,自己一个人住同一间酒店,一间房,第朝响死者遇难既地方将见到一个椰子,将呢个椰子带返香港就无事。女领队最后照做,事情最后都完结。
    到宜家,再无人敢住呢间酒店,连服务生入夜都唔够胆再入去.……
    ps是否真实我没法确定。